APSUAFORUM: The project of David Dasania. Проект Давида Дасаниа

Добро пожаловать на Форум! Welcome to our Forum!
Текущее время: 29 мар 2024, 08:53

Часовой пояс: UTC + 3 часа




Начать новую тему Ответить на тему  [ Сообщений: 33 ]  На страницу 1, 2, 3, 4  След.
Автор Сообщение
 Заголовок сообщения: Ажәеинраалақәа
Новое сообщениеДобавлено: 07 янв 2011, 15:50 
Не в сети
Аватара пользователя

Зарегистрирован: 07 янв 2011, 15:12
Сообщений: 16
Откуда: Украина
Баграт Шьынқәба иеиҭагақәа

Тарас Шевченко (Украина)

Сыҧсы схыҵыр, сыдгьыл гуакьаҿ,
Украина сжызааит.
Дәеиужь ҟьашрак агәҭаныҵәҟьа
Сдамра ҿыц агу ылҵааит.
Сышьҭазааит уаҟа аӡхықәан,
Иҩаскьагоу ҧаҩала.
Ажәытә Днепр аилаҽҽара
Уахьынтә слымҳа иҭаҩлап.

Украина адәқәа ирықәшыз,
Ҳаҕа ишьала ихыҵуеит
Уи аӡиас, нас сымҧшыкәа,
Сдамра ныжьны сҭыҵуеит.
Сҩагыланы кыр сҩаскьаргьы,
Анцәа ишәхымс сахысӡом,
Сныҳәа-ныҧхьап, аха уанӡа,
Сара нцәа дсыздырӡом.

Анышә снаҭан, шәымч еибышәҭа,
Ашьамҭлаҳәқәа ҧыххап.
Ицаҳәцаҳәуа аҕа ишьала,
Шәгәамч иаҳагьы иӡрыжәхап.
Шәҭаацәара ҿыц, насыҧ зҧеиҧшу,
Са сахыҧхьаӡалаз.
Хашҭра смыхьааит, шәгәаҿы сыҟаз,
Шәажәа бзиахә салаз.

Переаслав, 1845 ш.


Вернуться к началу
 Профиль  
 
 Заголовок сообщения: Бзиа иаабо ажәеинраалақәа
Новое сообщениеДобавлено: 07 ноя 2011, 17:42 
Не в сети
Администратор

Зарегистрирован: 25 ноя 2010, 15:04
Сообщений: 2195
Откуда: Аҧсны
Таиф АЏЬБА
АҦСНЫ АГИМН


Иҭбаауп адунеи, иҭбааӡоуп,
Иагьбеиоуп, иагьыҧшӡоуп зқьыхкыла.
Аҧсадгьыл атәы даҽакӡоуп,
Уи ауп зегь иреиҕьу атәыла.

Ишәҭуаз Анцәа иишаз Аҧсны,
Ашьхеи амшыни рыбжьара!
Наӡаӡа иарҧхоз иахьӡаны,
Иҧшьоу ахақәиҭра лашара!

Уи хьӡи-ҧшеи фырхаҵареи згым,
Зықьнашықәса иааирала ицаша!
Бираҟҵас ишьҭыхны ҧсра зқәым
Ҧхьаҟа инагала уиаша!

Ишәҭуаз Анцәа иишаз Аҧсны,
Ашьхеи амшыни рыбжьара!
Наӡаӡа иарҧхоз иахьӡаны,
Иҧшьоу ахақәиҭра лашара!


Вернуться к началу
 Профиль  
 
 Заголовок сообщения: Re: Ажәеинраалақәа
Новое сообщениеДобавлено: 09 апр 2012, 18:11 
Не в сети
Администратор

Зарегистрирован: 25 ноя 2010, 15:04
Сообщений: 2195
Откуда: Аҧсны
ИГОР МАРЫХӘБА

АҦСУА ШЬА ҔЬАШКИТ!

(1992 шықәса, август 14 аҽны ақырҭуа мпыҵахалаҩцәа Аҧсны еибашьрала рқәылара иахьӡынҩылоуп).


Сталини Бериеи ирцәынхан Аҧсны, рыцҳа!
Ашьҭахьтәиқәагь ирцәынхеит Аҧсынра!
Афашист Шеварднаӡе итанкқәа,
Аҟәа изалымсызт, иҵыхутәантәхеит!

Урҭ агыгшәыгқәа Аҧсны иазаарцахьоу!
Аҧсуаа ирылырххьоу ашьа –
Иааицылан, Аҧсуа шьа рзыҕьашкын,
Қырҭуа жәларык еилагеит!

Иаҵалеит урҭ ҳ-Агәнаҳа изҵымҵша,
Ҳныхакәа рымч еизыркәкәа —
Рҿаҧхьа хҿыхра иақәиҭымкәан,
Идамыҕаха адунеи иазынхеит!

Аҧсны уааны ухысыр ҟалома?!
Шаҟа Аҧсны агәы ҧшқоу шәымбаӡои?!
Аҧсуа и-Ҳақ уаҕрагылар ҟалома?!
...Қырҭтәыла – џьаҳаным ҭыҧхт, шәымбаӡои?!

Жәларык р-Доуҳа Мчы – АҦСУАРА,
Зқьышықусала ишьанҵахаз Иара,
Ашьамхарсра, аҭҟәара, атәитәыхра —
Дунеихаан изалмыршацт аӡәгьы!

Уи ус шакәу шаҳаҭра руеит: ҳ-Ныхақәа,
Нарҭаа р-Доуҳа, Сасрыҟәа, Абрыскьыл,
Саҭанеи-Гәашьа шәҩы лхьырҧарцәа,
Ҳмырҭаҭратә нцәахәқуа, адамрақәа,

Цқьа иҭҵаам аҧсуа бызшәа – ижәытәӡатәу,
Еицакра зқәым аҧсуа иҭоурых,
Аҧсуа илаҕырӡ иарҵааз Амшын Еиқәа,
Аҧсынра ажәытәра – абаашлых!

Аҧсуа шьхақәа уреиканыр ҟалома?!
Кавказ шьхақәа рыжәҩахыр еибаркуп!..
Аҧсуа идац-иҧашә уакьысыр ҟалома?!
Кавказ жәлар рыжьра-цәара акуп!

Анцәа ухы азыҳәан иалухыз аҭыҧ ҧшӡа,
Аҧсуаа иҳауҭаз – АҦСНЫ!
Уахылаҧш!! Ухьышьаргәыҵа сакәыхшоуп!
АҦСУАА ИАҲХУМБААН АҦСНЫ!

Аҧсны уааны ухысыр ҟалома?!
Шаҟа Аҧсны агуәы ҧшқоу шәымбаӡои?!
Аҧсуа и-Ҳак, уаҕрагылар ҟалома?!
Аҧсуа шьа ҕьашкит, шәымбаӡои?!

1992 шықәса, август 28,
ақ Аҟәа, Аҧсны Ареспублика


Вернуться к началу
 Профиль  
 
 Заголовок сообщения: Re: Ажәеинраалақәа
Новое сообщениеДобавлено: 21 май 2013, 16:41 
Не в сети
Аватара пользователя

Зарегистрирован: 20 май 2013, 14:04
Сообщений: 211
Фазиль Искандер (Ещё по прежнему ты весел И с сигаретою в зубах Дымишь из модерновых кресел Во всех присутственных местах. Еще ты шутишь с секретаршей И даришь ей карандаши. Но сумеречный призрак фальши Колышется на дне души. Еще в начальственном обличье Ничто и не сулит беду, Но с неким траурным приличьем Тебе кивнули на ходу. Еще ты ходишь в учрежденье, Еще ты свойский человек, Но желтой лайкой отчужденья Стянуло головы коллег. И тот, кого считал ты братом, С тобой столкнувшись невзначай, Как бы кричит молчащим взглядом: - Не замарай, не замарай! И как там стойкостью ни хвастай, Прокол, зияние в судьбе. Зрак византийский государства Остановился на тебе.)
Уара макьаназ улахҿыхуп, Аҭҭын ухаҧыцқәа инрыбжьак, Абақҳәа, уҽеиҵҳәа, унаҿыхоит, Унеины ҭыҧкаҿ уахьтәалак.
Амаӡаныҟәгаҩ-ҧҳәыс макьана Улхлафуа, ҳамҭа-хәыҷқәак луркуеит, Аха, изаку узымдыруа, аргама Акы уныҧшуеит, ак уаршуеит.
Џьара акы иугымшәоушәоуп, Иабаанагарызеи уи акы, Аха избан, дышшылароушәа, Изуеихырхәа шьоук харантәы.
Аусҳәарҭақәа унрыҩнала, Зегьы кашырроушәа иунарбоит, Аха абар, иацы иунаалоз, Уажәы аҽзымдыр ҟаиҵоит.
Ешьас иушьозгьы шәааиҿаҳан, Бла иамбараҳәа днауҿаҧшын, Дыҳәҳәоит гәаныла, иҿы раҳан: Сыумҟьашьын, сыумҟьашьын.
Иагьа ухаҵаз, уфырҭыныз, Иулдмыршазшәа иҧхьаӡа, Ари ажьа акәым иуҧылаз, Уардынла жьа зкуа роуп иумаабуа


Вернуться к началу
 Профиль  
 
 Заголовок сообщения: Re: Ажәеинраалақәа
Новое сообщениеДобавлено: 24 май 2013, 18:22 
Не в сети
Администратор

Зарегистрирован: 25 ноя 2010, 15:04
Сообщений: 2195
Откуда: Аҧсны
Бзиа дызбоит Фазиль Искандер ҳәаак амаӡамкәа. Аҧсуа жәлар рыхьыӡ ҭызгаз, гәыла-ҧсыла иаҧсыуоу, аҟыбаҩ ҷыдақәа рҟыбаҩ злоу Фазиль дзыҧсоу, иҧса заҟароу аҳәара уадаҩуп. Искандери сареи аҧсҭазаараҿы ҳаиқәшәахьеит, аӡәырҩы аҧсуа арккаҩцәа дуқәа срыниахьеит… Уи аганахьала, аиашазы, насыҧ ду сыман. Иахьа маҷк Аҧсны саҟәыгоуп, уи хьаас исымоуп, аха исҭахқәоу абаҟоу… Саҧхьеит, Андреи, иануҵаз ажәеинраала. Ишьахәуп уи аиҭагагьы. Зҵаарак сызцәырҵит: дарбану аиҭагаҩ?


Вернуться к началу
 Профиль  
 
 Заголовок сообщения: Re: Ажәеинраалақәа
Новое сообщениеДобавлено: 25 май 2013, 04:13 
Не в сети
Аватара пользователя

Зарегистрирован: 20 май 2013, 14:04
Сообщений: 211
Ҳаҭыр згымхаша Давид, ухаҵкы! Иҭабуп, саргьы схәыҷы аахыс Фазиль бзиа дызбоит. Шьоукы аҧсуара аныҟамла, ҳаргьы ҳаҟам, арахь иара ииаӡааит рҳәоит. Аха уи иашам, имиааӡаӡеит, аамҭақәа (ҳазҭагылақәоу) рыҽшырыҧсахуагьы, ашьаҭа нханы иҟоуп. Абри атема, агәкаҳара атема, ажәытә литератураҿгьы ицәырҵхьазаарын, аурымаа рҿы, ҳера ҟалаанӡа. "падение нравов" ҳәа иашьҭан, атермин ҷыдагьы уи иазкны иарбоуп. Абар, пшь-цәаҳәак Анакреонт иҟнытә:
Если бы даже весь мир обыскать, то легко и свободно лишь на одном корабле все уместиться могли люди, чьи мысли, слова и дела были б достойны, кто бы, где выгода ждёт, подлости делать не стал.
Зыламыс змырӡыз ауаа адунеи зегь аҟнытә ааизугаргь,
урҭ зегь усҟак ирацәахом мшын-ҕбак иазымкуа азны'к,
жәҩан-гәашә аҧхьаҭалараз имықәҧо, зҩызцәа зыҽраҕьны ирыгәҭамсуа,
исхырҳәаарызеишь ҳәа дыҧхашьаны ацәгьара изымуа.
Са исыздырам иахьынӡасықәҿиаз, сзызҵаауагьы дыҟам, аҧсшәа ибзиаӡаны иҵаны исымоуп ҳәа исызҳәом. Фазиль итәы каамет.ру аҿгьы иасырбахьеит, аха уи асаит уажәы уадаҩрақәак амоуп, уаҧхьаратә ишыҟоугьы.


Вернуться к началу
 Профиль  
 
 Заголовок сообщения: Re: Ажәеинраалақәа
Новое сообщениеДобавлено: 25 май 2013, 07:05 
Не в сети
Администратор

Зарегистрирован: 25 ноя 2010, 15:04
Сообщений: 2195
Откуда: Аҧсны
Иахьатәи ашьыжь, Андреи, исзаанагеит даараӡа сзырлахҿыхаз, сгәы иаахәаз ажәабжь! Уажәшьҭа избоит, ари уара ишуеиҭагамҭоу. Гәыҩбара сымам: ас аиҭагашьа злоу илоу аҟыбаҩ ӷбадук иаҟароуп! Иузеиӷьасшьоит ақәҿиара дуқәа! Ҳбызшәа аҿиара ҳҳәынҭқарраҿы ахаҵгылара ду амазҭгьы, ҷыдала ацхыраара науҭаны, улартәаны, ҧарала-шьарала уеиҵамырхакәа аиҭагара аус аҳәынҭқарцәа унапы иланҵаны уладыртәон… Аха ус иҟам. Шаҟа исҭахузеи убас иҟалар!
Сазхьаауеит даҽа зҵааракгьы… Аҧсуа саит, ишынеибаку иаҧсыуоу асаит аҧҵара. Ауаарацәа злахәу, аилацәажәарҭа змоу, зыҟәшақәа рацәоу асаит аартра… Уи асаит амҽхак ҭбаахон. Уи аартра, арҿиара аӡәгьы дазхон. Аха иабаҟоу, аҧара мыжда имоур, даҽаџьара уи ирҳартә еиҧш иҟалар, уахь деихоит, асаит гәыгәҭаижьуеит. Бзиоуп, нас, даҽа маҷк ҳааҧшыхп. Издыруада аҧсуаа рҟынтә абарҭ апроеқтқәа зырҿиауа, змал иамеигӡо ҧсыуа малуаҩк аӡә дышҧаҟамлари.
Андреи, иулоу аҟыбаҩ рҿиала, аамҭа анумоу уазхьаҧшла аиҭагара аус. Саргьы уи сазҿлымҳазаауеит, еиҭагамҭа ҿыцк ануҩҩлак, исцәумӡан. Еиҭахгьы иузеиӷьасшьоит агәабзиара, ақәҿиара ду!


Вернуться к началу
 Профиль  
 
 Заголовок сообщения: Re: Ажәеинраалақәа
Новое сообщениеДобавлено: 25 май 2013, 10:36 
Не в сети
Аватара пользователя

Зарегистрирован: 20 май 2013, 14:04
Сообщений: 211
Ҳатыр згымхаша Давид! Уара уҟнытә ас еиҧш иҟоу ажәа ансаҳа, сгәы хәшак аахьыршьызшәа избеит. Иабатәи ҕбоу, џьушьт, флыка хәыҷык акәхандаз)), иара уигьы сцәырацәоуп. Еилыскааит, сгәы ашьҭыхразын ишуамхаҳәаз, аха ара уажәы ажәа ҧшӡақәа ремадара ишазкым ала уфорум, даҽак нацысҵоит жәеинраалак, Катулл итәы, аурым шҟәыҩҩы. Уи аритм арбашьа сашьҭамызт, аурыс еиҭаҿгьы уи ишашьҭамыз. Иҟоуп еиуеиҧшым аиҭагақәа, руак Тухманов идиск аҿгьы (по волнам моей памяти) шәак алхны иҭижьхьан, уи ритмла еиҳа иазааигәан ҳәа сгәы азҩоит Катулл итәы (зеленее становлюсь травы и вот-вот как будто с жизнью прощусь я). Сара абра ажәак ииашамкуа иасырбеит уи ақәыҕәҕәараҿы, агәеисразы "згәы имеи'суа" ацынхәра исҳәеит "згәы и'меисуа". Саҭарымҵааит уи азы аҧхьаҩцәа, ажәеинраалаҩраҿы ус иҟалозаап, ақәыҕәҕәара ишузыманшәалоу иниааго-ааиаго. (По мне тот не смертный, а бог безмятежный, Кто может спокойно сидеть пред тобой, И слушать твой голос пленительно-нежный, И смех восхитительный твой. От этого счастья в предвиденьи муки Мне душу теснит уж испытанный страх, Тебя лишь увижу, о, Лесбия, звуки В моих замирают устах. Язык мой немеет, в крови моей пышут Бегучими искрами струйки огня, Слух притупляется, уши не слышат, Немолчным прибоем звеня.)
Сара стәала дуаҩытәыҩсам, дынцәахәуп Ишҭҟьара бара бҿаҧхьа згәы и'меисуа, Ибҿаҧшуа, ибацәажәо, зуыс мариоу, Зымҩала ҭынч ибымҩасуа.
Сара сакәзар, убриҵәҟьа исызгәаҕьрым, Схы стәны саанхарц азы, Лесбиа, сшыҟоу, Зныктәи быгәхьаагаратәы сызҳәарым, Адунеигьы аҧсҭазаарагь знык ауп.
Уи сҽазыскыр, сыбз ааҳәуеит, Амцашоура насхалоит сабылратә, Сшьа сда иалоу зегьы ааилашуеит, Сыла ак амбаӡо иалагоит.


Вернуться к началу
 Профиль  
 
 Заголовок сообщения: Re: Ажәеинраалақәа
Новое сообщениеДобавлено: 25 май 2013, 11:54 
Не в сети
Администратор

Зарегистрирован: 25 ноя 2010, 15:04
Сообщений: 2195
Откуда: Аҧсны
Аслан Кәыҵниа, Анцәа илҧха угымзааит, Ҳазшаз дузыразхааит! Еилкааны исыман иаҧысҵаз афорум ахархәаҩ ҿыц Андреи ҧсыуаҵас, аҧсҭазаараҿы даниы инаркны «дш-Андреи-мыз». Сҵахдырратә ҧышәа бзиоуп… «Аслан Кәыҵниа» ануҳәа ауп уансгәалашәа! Иахьа уажәраанӡа зны-зынла уаасгәалашәалон, уара, абри ауаҩ дабаҟоу ҳәа. Ҳаибамбеижьҭеи акырӡа ҵуеит! Убри иахҟьаны, аамҭа цацыҧхьаӡа, еиҵа-еиҵа усгәалашәо салагеит. Аҟыбаҩ иулоу саналацәажәа, уара, аамсҭашәала иааӡоу ауаҩы иеиҧш (хымҧада, ус уагьыҟоуп), иулоу аҵакы урмаҷуеит. Аха сара аҧсҭазаараҿы гразаҵәык сымоуп: амцҳәара ахьаҭахым амц сызҳәаӡом. Еиҭахгьы сгәы иаахәеит уареи сареи, Аинтернет аҳәаақәа рҿакәзаргьы, ҳахьеиқәшәаз. Уеиҭагашьа, аиашазы, ибзиоуп. Хымҧада, згәаҭақәак сымоуп, џьара-џьара еиӷьзаргьы ауеит, аха, сара игәасҭаз, уара зеиҭагара еиҳа иуадаҩу ажәеинраалақәа урызхьаҧшуеит. Уи аус еиҳа ибаргәуп. Асалам ацҵаны, Ростовынтәи, уашьа, уҩыза – Дауҭ Дасаниа.


Вернуться к началу
 Профиль  
 
 Заголовок сообщения: Re: Ажәеинраалақәа
Новое сообщениеДобавлено: 07 июн 2013, 12:08 
Не в сети
Аватара пользователя

Зарегистрирован: 20 май 2013, 14:04
Сообщений: 211
Письма с Понта. Котте Ма,ксиму. Публий Овиий Назон
Юноша, отчее в ком возрождается вновь красноречье, Я прочитал твою речь, людный пленившую суд. Мой торопливый язык читал ее более часа, Но и такая она слишком была коротка.Я ее вздумал продлить, читая снова и снова, — С каждым разом она нравилась мне все сильней. Прелести не отнимает у ней повторное чтенье — Значит, пленяет она силою, не новизной.
Счастливы те, кто ее от тебя на форуме слышал: Им насладиться пришлось уст красноречьем таких. Ибо, хотя хороша на вкус вода и в сосуде, Много приятнее пить из самого родника. Яблоки нам приятней срывать с ветвей наклоненных, Чем из чаши резной брать за обильным столом.

Забдуцәа ирҿызҵааз ажәа ҳәара уеицамкуа,
Уажәахә саргәырҕьеит сара зегьы ирбаз џьшьатәыс,
Сааҭк иназынаҧшуа саҧхьон убри, сеиҭаҧхьон,
Иахькьаҽцәаз мацароуп игәынызгоз убысҟан сара.
Сҩалагеит аҧхьара ҿыц аханытә смыццакӡакуа,
Еиҳа-еиҳа уажәа аҳәашьа сыхнах исгаҧхон.
Абзиара иагнархом, аҧшӡара - ахаҭабзиа,
Уеиҭаҧхьеит ҳәа уеилаҳан иацнамҵозар џьара.
Избоушәоуп иуршанхаз ажәлар зегь рҿымҭра,
Разҟыла итәымзи Афорумаҿ уи заҳауаз,
Избанзар, умбоишь, аҳаҧшьа иҭыухуа иӡышуа изы
Ишӡыхааугьы еиҕьуп уаҵашьшьы иужәо аӡыхь.
Аҵәамахә хьыссы пату ақәҵан иҿыухуа
Иузадкылом аишәаҿ ҵәала иҭәу ачанах.


Вернуться к началу
 Профиль  
 
Показать сообщения за:  Поле сортировки  
Начать новую тему Ответить на тему  [ Сообщений: 33 ]  На страницу 1, 2, 3, 4  След.

Часовой пояс: UTC + 3 часа



Кто сейчас на конференции

Сейчас этот форум просматривают: нет зарегистрированных пользователей и гости: 2


Вы не можете начинать темы
Вы не можете отвечать на сообщения
Вы не можете редактировать свои сообщения
Вы не можете удалять свои сообщения
Вы не можете добавлять вложения

Найти:
Перейти:  
cron
Powered by phpBB © 2000, 2002, 2005, 2007 phpBB Group
Вы можете создать форум бесплатно PHPBB3 на Getbb.Ru, Также возможно сделать готовый форум PHPBB2 на Mybb2.ru
Русская поддержка phpBB